''Ընտանիքի'' նուիրուած` եպիսկոպոսական արտակարգ սիւնհոդոսի ներկայացում։ ''Աւետարանութեան շրջագիծէն ներս Ընտանիքի հովուական մարտհրաւէրները''։

Յառաջիկայ 5 նոյեմբերին, Վատիկանի մամլոյ գրասենեակի ՅՊԲ անուան սրահին մէջ նախատեսուած է մամլոյ ասուլիս` ներկայացնելու համար ''ընտանիքի'' մասին գումարուելիք եպիսկոպոսական ընդհանուր Գ սիւնհոդոսի նախապատրաստական աշխատանքները։
Յայտնենք որ եպիսկոպոսական սիւնհոդոսը տեղի պիտի ունենայ Վատիկանի մէջ, յառաջիկայ 5 - 19 հոկտեմբեր 2014, եւ ունի որպէս նիւթ` ''Աւետարանութեան շրջագիծէն ներս Ընտանիքի հովուական մարտհրաւէրները''։
Մամլոյ ասուլիսին ելոյթ կ՛ունենան, Պուտաբեշտի Արքեպիսկոպոս` Կարտինալ Փիդէր Էրտօ, որ նշանակուցած է սիւնհոդոսի ընդհանուր զեկուցող, գերապայծառ Լորէնցօ Պալտիսսէրի` Սիւնհոդոսի Քարտուղար եւ գերապայծառ Պրունօ Ֆորդէ` Իտալիոյ Գիէթի - Վասդօ թեմի առաջնորդ` որ նշանակուած է վերոյիշեալ սիւնհոդոսի յատուկ քարտուղար։